Këshilli Bashkiak i Durrësit ka vendosur që të gjitha pallatet e ndërtuara përpara vitit 1993 do t’i nënshtrohen rikonstruksionit.
Në mbledhjen e sotme të Këshillit u vendos edhe krijimi i armatës me 100 punëtorë ndërtimi që do merren me riparimin e tyre. Mësohet se kjo armatë do të jetë në varësi të Drejtorisë së Rrugëve pranë Bashkisë së Durrësit.
Në këtë mbledhje u miratuan edhe disa ndryshime në bonusin e qirasë që do të përfitojnë familjet e dëmtuara nga tërmeti.
Tërmeti i 26 nëntorit nxori më pah që pallatet e ndërtuara në periudhën e komunizmit, një pjesë e tyre me punë vullnetare nga të burgosurit, ishin më të dobëta nga pikëpamja strukturore, sesa ato të ndërtuara në demokraci.