Pas përfundimit të Konferencës së Donatorëve, ka ardhur edhe reagimi i kryetares së LSI, Monika Kryemadhi.
Përmes një postimi në Facebook, Kryemadhi shpreh mirënjohje për të gjithë vendet që u solidarizuan me Shqipërinë dhe dhuruan plot 1.15 miliardë euro. Kryemadhi shton se kjo mbështetje e tyre duhet t’u shkojë sa më parë familjeve të prekura që kanë mbetur pa strehë.
“Miqtë i qëndruan në krah Shqipërisë në këto momente të vështira. Mirënjohje për kontributin e tyre për të ndihmuar qytetarët shqiptarë dhe infrastrukturën e dëmtuar pas tërmeteve, që goditën vendin.
Tani është koha që kjo mbështetje t’u shkojë sa më parë, në radhë të parë familjeve që janë të pastreha. Miqve nga të gjitha anët e globit FALEMINDERIT që na u gjendët pranë.
Çdo euro ndihmë është e çmuar dhe duhet të administrohet me transparencë dhe përgjegjësi të plotë. Solidariteti i treguar nga vendet mike dhe institucionet ndërkombëtare kërkon seriozitet dhe angazhim të gjithanshëm! Zoti ju bekoftë të gjithëve, ju dhe qytetarët tuaj! Ju faleminderit!”, shkruan ajo në postimin e saj.
