Dy shtetas shqiptarë kanë rënë në pranga mbrëmë, pasi janë përpjekur të vjedhur dy apartamente. Ngjarja ka ndodhur në Via della Mendola, në shtetin fqinj Itali.
Deri tani emrat e tyre nuk janë bërë publikë, por mësohet nga mediat italiane se janë të moshës 28 vjeç dhe 34 vjeç dhe kombësia e tyre është shqiptare.
Ata gjatë përpjekjes për të vjedhur apartamentet kanë vënë re praninë e policisë dhe janë munduar të arratisen. Pasi kanë besuar se i kanë shpëtuar forcave të policisë, ata kanë filluar të tallen me policinë, duke qeshur e bërtitur me zë të lartë në rrugë.
‘U fshehën në Shqipëri’/ Ekstradohen 3 shqiptarët e kërkuar nga Italia
Tallja dhe gëzimi i tyre ka zgjatur shumë pak, pasi ata janë pikasur nga policë civilë, të cilët i kanë vendosur në pranga.
Mbi ta rëndon akuza e vjedhjes së rëndë dhe posedim i mjeteve për vjedhje.
Plagosja e prokurorit/ Kërkoi lirinë, ja çfarë vendosi Apeli për Redjan Rrajën
