Ish-deputetja demokrate, Jorida Tabaku së fundmi ka publikuar një video në rrjetin social Facebook, krah së cilës ndër të tjera shkruan se qeveria aktuale, nuk ka punuar asnjë ditë për qytetarët.
“Ajo ka punuar përherë për armiqtë e tregut të lirë dhe demokracisë. Sado propaganda shurdhuese ka thërritur të kundërtën e vërteta ka treguar me gisht qeverinë e jahteve”, shkruan Tabaku.
Postimi i plotë i saj: “Kjo qeveri nuk ka punuar asnjë ditë për qytetarët, nuk ka qenë asnjëherë një qeveri e tyre. Ajo ka punuar përherë për armiqtë e tregut të lirë dhe demokracisë.
Sado propaganda shurdhuese ka thërritur të kundërtën e vërteta ka treguar me gisht qeverinë e jahteve. Përditë e më shumë dhe përherë e më qartë”.
