Kryetarja e LSI-së Monika Kryemadhi ka reaguar lidhur me sulmin që i është bërë paraditen e sotme deputetit Ralf Gjoni, me bojë të kuqe.
Kryemadhi ka shprehur keqardhje lidhur me rastin në fjalë, ndërsa shprehet se regjizori Rama po bën çdo gjë për të larguar vëmendjen nga situate politike dhe se tashmë ai do t’i bëjë edhe kloun deputetët e rinj.
“Nuk kam dijeni për një gjë të tillë. Regjizori Edi Rama, për të larguar vëmendjen nga çdo gjë, do t’i bëjë edhe kloun deputetet e rinj me idenë që është sulmuar. Më vjen shumë keq për rastin. Legjitimiteti i atij parlamenti nuk është më. Megjithatë, problemi nuk qëndron vetëm këtu, por kjo shitblerje e votës ka varfëruar shqiptarët. Çdo njeri ka hall ose është i papunë ose nuk ka mundësi të paguajë faturat ose i kanë ikur fëmijët nga protesta.”-u shpreh Kryemadhi.
