Sulmi ndaj Ambasadës të Malit të Zi në Beograd është komentuar dhe nga ambasadorja amerikane në Mal të Zi Judy Rising Reinke. Në një postim në rrjetin social twitter, ambasadorja dënoi sulmin ndaj ambasadës malazeze në Beograd. Ajo është shprehur se është tronditur nga përdhosja e flamurit të Malit të Zi.
“Jam e tronditur nga pamjet e përdhosjes së flamurit. Sulmi ndaj ambasadës malazeze është absolutisht i papranueshme. Dallimet e mendimeve duhet të adresohen përmes dialogut, jo dhunës dhe vandalizmit”, shkruan Judy Rising Reinke.
Protesta para Ambasadës së Malit të Zi u mbajt për të kundërshtuar ligjin për fetë të cilën e ka miratuar parlamenti i Malit të Zi.
