Stresi ka surprizuar Sali Berishën sot në 77-vjetorin e tij. Reperi ka publikuar në Instagram një video, ku mban në dorë një buqetë me lule blu, të cilat do ia dhurojë ish-kryeministrit Berisha. Bashkëngjitur videos në fjalë, ai ka shkruar: “Statistikat tregojnë që në muajin tetor kanë lindur liderët më të mëdhenj të botës. Gëzuar ditëlindjen Dr. Profesor Sali Berisha”.
View this post on Instagram
Ish-kryeministri i Shqipërisë, Sali Berisha, feston sot 77-vjetorin e lindjes. Në llogarinë e tij në Facebook, Berisha ka publikuar një fotografi me dy gishtat lartë, mbi të cilën ka shkruar se “sot jam 77 herë më i lumtur”.
Kjo ditëlindje për të vjen më ndryshe, pasi kreu i PD-së, Lulzim Basha e ka larguar Berishën nga partia që vetë e ka themeluar.
Largimi i Berishës nga PD-ja, vjen pasi Departamenti Amerikan i Shtetit, i ka ndaluar hyrjen në territorin amerikan atij dhe anëtarëve të familjes së tij të ngushtë, për shkak të përfshirjes së tij në “korrupsion të gjerë”.
