Stiv Xhobs, ishte gjeniu që e revolucionarizoi teknologjinë. I ati i tij biologjik ishte sirian, e ëma amerikane. Por u rrit i adoptuar nga çifti Xhobs.
Si fëmijë ra shpesh pre e bullizmit. E braktisi shpejt universitetin. Notat i kishte të ulëta, u fokusua më shumë tek të mësuarit vetë.
Pas 7 muajve në Indi, nisi të eksperimentojë me droga të ndryshme, dhe të praktikojë Budizmin. Kishte një karakter të vështirë, grindej shpeshherë me punonjësit dhe drejtuesit e kompanisë. Ka një fëmijë, Lisa Brenan, atësinë e së cilës e mohoi për vite me radhë.
Sa ishte në krye të “Apple”, Xhobs e mbante pagën e tij vjetore vetëm 1 dollarë. Gjithsesi me 5.5 milionë aksione, ai ishte multi-miliarder. Ndryshe nga Bill Gejts, Xhobs nuk ishte filantrop. Zbuloi se kishte kancer në pankreas në vitin 2003.
Në fillim refuzoi kimioterapinë, dhe zgjodhi mjekimin alternativ duke ndjekur një dietë vegane. Pas 9 muajsh, u dorëzua, dhe iu nënshtrua një operacioni. Ekspertët thonë se kjo vonesë diktoi vdekjen e tij në vitin 2011.
