Në 31-vjetorin e themelit të PD-së, lideri demokrat, Lulzim Basha, ka dhënë një mesazh për mediat, paralelisht kur ka nisur edhe Kuvendi i thirrur nga Berisha. Sipas Bashës, kjo është një ditëlindje e thyer nga ata, që sipas tij, e përçanë PD-në, duke akuzuar kështu Berishën. “Është një ditëlindje e thyer nga ata që e përçanë PD-në për interesat e tyre. Por nga kjo ditëlindje PD-ja do të dalë e bashkuar dhe e vendosur për demokratët dhe jo për interesat personale”, tha ai.
Sali Berisha ka mbërritur rreth orës 11:00 në stadiumin “Air Albania”, ku ka përshëndetur mbështetësit e tij.
Sipas numërimit të vetë organizatorëve, në stadium ndodhen mbi 4900 delegatë dhe mijëra mbështetës pa të drejtë vote.
Vetë Berisha ka nisur transmetimin LIVE të Kuvendit në Facebook.
