Ambasadori i BE-së në Tiranë, Luigi Soreca, ka kërkuar nga palët politike që të vijojnë me zbatimin e marrëveshjes së 5 qershorit.
Nga Vlora, Soreca tha se Reforma Zgjedhore është gjithashtu është kyçe për negociatat dhe anëtarësimin e vendit në BE.
“Pa këtë kusht nuk mund të fillojë konferenca e parë. Ndryshimet Kushtetuese janë jashtë rekomandimeve të BE-së. Duhen bërë konsultimet përkatëse. Ne kemi parë disa propozime shtesë për kodin zgjedhor këto nuk janë pjesë e rekomandimit të OSBE-ODHIRIT.
Ne e njohim rolin e parlamentit në lidhje me sistemin zgjedhor. Ne inkurajojmë palët të vazhdojnë dialogun me të njëjtën frymë bashkëpunuese që u tregua në marrëveshjen e 5 qershorit”, tha ai.
