Një ditë pasi Shqipëria dërgoi në Itali 30 mjekë dhe infermierë, ka ardhur një reagim nga kryeministri i Italisë Giuseppe Conte.
Ky i fundit ka shpërndarë fjalimin e homologut të tij, Edi Rama dhe ka falenderuar autoritetet shqiptare.
“Faleminderit”, shkruan Conte, ndërsa ka publikuar dhe ikonën e flamurit shqiptar.
Rama ishte dje në Rinas për të përcjellë ekipin, ndërsa theksoi se Shqipëria e bëri këtë në shenjë solidariteti, duke shtuar se: “Pavarësisht se nuk jemi të pasur, shqiptarët nuk e harrojnë mikun në vështirësi”.
Mjekët dhe infermierët shqiptarë pritet të japin kontributin maksimal të tyre për të ndihmuar shtetin fqinj në këto ditë të vështira kur ka më së shumti nevojë.
