Konferenca e radhës nga Meta do të jetë në orën 17:00. Lajmin e njofton zëdhënësi i presidentit Meta, Tedi Blushi, ku në këtë konferencë priten të zbardhen fakte të reja tronditëse, të cilat dëshmojnë se si po realizohet grushti i shtetit. Madje ai paralajmëron se populli shqiptar nuk ka parë gjë akoma, dhe se faktet do dalin në shesh me qetësi dhe drejtësi!
Edhe më herët, Meta ftoi qytetarët në një tubim në datën 2 mars, ku thotë se do të shërbejë për t’i dhënë paralajmërimin e fundit mazhorancës.
Ai shprehet se ky tubim tek Bulevardi “Dëshmorët e Kombit” do të shërbejë për një Besëlidhje të Re, dhe për mos ia dorëzuar mafies ndërkombëtare të ardhmen e Shqipërisë.
Statusi
Të dashur gazetarë!
Së pari më lejoni të shpreh një falenderim të veçantë për të gjitha portalet e Rilindjes, për imagjinatën dhe akuzat e shfrenuara, teoritë konspirative, shkrimet e porositura, dhe memet e jashtëzakonshme, që gjithmonë do gëzojnë simpatinë tonë për dozat e forta të humorit e haresë që shkaktojnë.
Këto ditët e fundit keni qenë të paparë dhe faleminderit se na keni zgjatur jetën!
Ta shtoni edhe më shumë dozën, por pa e kaluar në overdozë Bablokun tuaj që edhe gënjeshtrat që vetë ja u porosit, kur i lexon nga dora juaj i beson si të vërteta!
Së dyti, i ftoj të gjithë gazetarët, sot në ora 17:00, në konferencën e radhës për shtyp të Presidentit të Republikës Sh.T.Z Ilir Meta!
Fakte të reja tronditëse që dëshmojnë se si po realizohet grushti i shtetit!
NUK KENI PARË GJË AKOMA!
ME QETËSI DHE DREJTËSI!
