E hënë, 13 Korrik, 2020
22 C
Tirana

Ku ndryshon marsi 1997, me marsin e 2020

Më të lexuarat

Nga: Artur Ajazi

Gjithmonë kur vjen muaji mars, politika e vjetëruar “ngatërron” pa dashje numrat e viteve. I kujtohet 1997, i kujtohet vetshkatërrimi i shtetit, i kujtohet vjedhja e parave të shqiptarëve, i kujtohet vrasja e mbi 5 mijë personave të pafajshëm nga armët e depove të braktisura, i kujtohet vala e krimeve që ka mbi 23 vjet që vesh me të zeza nuset dhe nënat.

Dhe ja marsi po troket sërish, dhe hileja është që në këtë muaj thonë se “bëhen revolucionet”. Kjo padyshim është ide gjeniale e Doktorit, dhe pak e Metës. Sa për Lulzimin, ai është në autobus, dhe po merret me “sqarimin” e popullit, rreth asaj që do të bëjë kur të marrë një ditë, ndoshta …..pushtetin.

Por pse e la pikërisht në 2 mars, tubimin në oborrin e Presidencës kryetari aktual i shtetit, ndoshta për tu paraqitur shquparëve dhe lësëistëve aktin “themeltar” të dorëheqjes, apo për tu dhënë atyre “sihariqin” se “tash e tutje do të jem unë drejtuesi dhe komandanti suprem i opozitës së vjetër”. Në të dyja variantet, nuk kishte pse të zgjidhte datën 2 mars, por gjithsesi thuhet se “propozimin” e ka bërë Doktori i tij.

Kjo pasi, marsin ai e ka me “ogur”, dhe nuk i shqitet nga memorja ajo që ka ngjarë në marsin e 1997. U thye në mes shteti, u braktisën institucionet, burgjet, bankat, depot dhe kazermat e ushtrisë, u shkri gjithçka që ishte bitisur, u vodhën miliona dollarë kursimet e shqiptarëve, dhe më kryesorja, vendi u fut në vëllavrasje.

Ndaj mendoj se marsi 1997 dhe marsi 2020, ngjasin nga emri i të njëjtit muaj, po nuk ka shanse që Doktori dhe Meta të rikthejnë edhe njëherë vitin e qametit. Ndoshta 2 marsi me gjasë, do të jetë fundi i të dyve, ndoshta me gjasë 2 marsi do të jetë turpi i të dyve, por një gjë është e sigurtë, bashkë me ata do të largohet edhe Lulzimi, pasi Doktori, Partinë Demokratike nuk mund ta lërë në duar të pasigurta. Dhe varianti më i mirë mbetet katapultimi në krye të PD, i një prej të vetëve. Por edhe kjo mbetet për tu parë, pasi shumë fjalë oborresh po qarkullojnë këto 2-3 ditë në SHQUP.

Lexo edhe :   Komisioni për shkarkimin e Metës mblidhet nesër, çfarë pritet të diskutohet

Madje thuhet se Doktori u ka dhënë afat 24 orë pas 2 marsit të “vetëve” për të marrë në dorë fatet e PD dhe rrëzuar me çdo kusht Ramën nga pushteti. Pavarsisht se kryetari në detyrë i shtetit, ka kohë që mendon, reagon dhe vepron ndryshe nga çka do të ishte një homologu i tij në Europë, pavarësisht se ka afro 1 vit, që ecën kuturru, vepron kuturru, dhe paranjofton Parlamentin dhe kryeministrin se “do ta shihni Ilir Metën e vërtetë”, nuk e mendoja se do të arrinte deri në këtë derexhe.

Varësia totale nga Doktori, i ka prishur gjithë ekuilibrat kryetarit të shtetit në detyrë, aq sa është gati, pa e menduar fare, të hidhet në “flakët e revolucionit” për të qenë ai, heroi i parë i “mbrojtjes së Kushtetutës”. Përralla të tilla katundi, shqiptarëve mund tu tregoje para nja 25 vitesh, por jo sot. Dita e 2 marsit, do të jetë seanca e fundit e përballjes së padrejtësisë me të drejtën ligjore, do të jetë akti i fundit i një seriali me skenar një ish-president, dhe një presidenti në ikje.

Lexo edhe :   Komisioni për shkarkimin e Metës mblidhet nesër, çfarë pritet të diskutohet

Nga ballkoni i Presidencës, Meta përpara “10 mijë vetëve” duke imituar ithtarët e tij, ndoshta ka vendosur të bëjë publike në 2 mars, jo vetëm vendimin e dorëheqjes, por edhe ndonjë tjetër vendim që lidhet me largimin e tij përfundimisht nga politika. Gjithsesi kjo mbetet për tu parë, pasi Doktori mund të ndryshojë mendim momentin e fundit…

 

- Reklama -

Më shumë nga kategoria




Të fundit

Moti bën kthesën e madhe për nesër, priten reshje shiu

Dita e martë do të ketë mot me alternime kthjellimesh dhe vranësira në zhvillim. Në mesditë, vranësirat do të pasohen nga reshje shiu të karakterit...

“Jam ende e dashuruar”, Dafina Zeqiri shuan heshtjen

Këngëtarja Dafina Zeqiri tregoi mbrëmjen e sotme në “Në Kurthin e Piter Pan” se është ende e dashuruar, por pa treguar se me kë. Ajo...

“Je shërbëtor i paguar, je letyrë”, degjeneron në ofendime debati në studion televizive

Listat e hapura ishte tema e diskutuar mbrëmjen e sotme në emisionin "Open" në Top Channel, ndërsa të pranishmit në studio kanë shpërthyer deri...

“Kosova rrezikon të dëmtohet rëndë”, Haradinaj jep paralajmërimin e fortë

Ish-kryeministri i Kosovës, Ramush Haradinaj, ka dhënë vlerësimin e tij në lidhje me intervistimin në Hagë të Hashim Thaçit, pas aktakuzës për krime lufte. Në...

Murrizi paralajmëron zhvillime të reja

Deputeti Myslim Murrizi e cilëson “ulërimë false” deklaratën e përbashkët të opozitës së bashkuar, kundër lëvizjes së kryeministrit Rama, në favor të listave të...