Gjatë seancës së sotme në Kuvend nuk kanë munguar situatat e tensionuara, debatet por edhe ironitë “therëse”. Kryedemokrati Basha teksa ka lexuar një numër shifrash për abuzimet, sipas tij të qeverisë, me fondet nga tërmeti, tha me ironi se këto i kishte marrë nga Partia Demokratike. Kjo shkaktoi të qeshura në sallë, por Basha nënvizoi se kjo ishte batutë, pasi shifrat janë zyrtare të publikuara nga Agjencia e Prokurorimit Publik.
Basha e korrigjoi menjëherë duke theksuar se ky ishte një lloj “kurthi”, për të parë reagimin e tyre. Duke iu drejtuar Ahmetajt, Basha e etiketoi atë si tigri.
“Ja ku i keni faktet. Merri këto. Kërkoja tigrit të ti japë. S’ke se çfarë sqaron o tigër, po rri rehat, ti vetëm manipulon. Burimi PD? U kënaqët ëë, jo re jo burimi Agjencia e Prokurorimit Publik”, u shpreh Basha.
