E mërkurë, 22 Shtator, 2021
15.5 C
Tirana

Skadon afati, PD dhe LSI drejt bojkotit të zgjedhjeve

Dje skadoi afati për të dorëzuar listën e komisionerëve për zgjedhjet vendore të 30 qershorit, ku Partia Demokratike dhe LSI-ja nuk paraqitën në KQZ emrat e komisionerëve.

Vetë Komisioni Qendrori i Zgjedhjeve doli dje paradite në një deklaratë për mediat, për t’u bërë thirrje partive politike në përmbushjen e detyrimeve të tyre për depozitimin e listës së komisionerëve për zgjedhjet vendore. Zëdhënësja e KQZ-së, Drilona Hoxha, u bëri apel partive për të përmbushur detyrimet që rrjedhin nga Kodi Zgjedhor.

“Komisioni Qendror i Zgjedhjeve u bën apel partive politike që kanë të drejtën të propozojnë anëtarë të KZAZ-ve, që të respektojnë afatin ligjor për depozitimin e kandidaturave në KQZ. KQZ kërkon që partitë politike të mos neglizhojnë respektimin e afateve ligjore për paraqitjen e propozimeve për administratën zgjedhore, sikundër ka ndodhur në çdo proces zgjedhor. Mosrespektimi i afatit ligjor tregon mungesë përgjegjshmërie në përmbushjen e detyrimeve që iu ngarkon Kodi Zgjedhor. KQZ-ja është e vendosur të mos mirëkuptojë dhe as tolerojë vonesat në propozime, ndaj kërkon që partitë politike të depozitojnë urgjent propozimet e tyre për anëtarë të KZAZ-ve brenda ditës së sotme dhe të mos bëhen shkak për cenimin e administrimit të procesit zgjedhor. Administrata zgjedhore duhet të trajnohet dhe kualifikohet për kryerjen e detyrave. Vonesat në propozime cenojnë përgatitjen profesionale të komisionerëve, rrezikojnë mbarëvajtjen e procesit, dëmtojnë cilësinë e zgjedhjeve”, tha zëdhënësja e KQZ-së.

Pas deklaratës nga Komisioni Qendror i Zgjedhjeve, Partia Socialiste iu drejtua institucionit që administron procesin zgjedhor, duke depozituar listën e saj të komisionerëve për KZAZ-të në të gjithë vendin.

Ndërsa dy partitë e tjera të opozitës, PD-ja dhe LSI-ja, që iu takon të kenë komisionerët në Komisionet Zonale të Administrimit Zgjedhor, nuk paraqitën listën e tyre duke shënuar në këtë mënyrë edhe sinjalin e parë të një bojkotimi të mundshëm të procesit zgjedhor të 30 qershorit.

Lexo edhe :   Pse jam për Kongresin e Jashtëzakonshëm të Partisë Demokratike

Sipas Kodit Zgjedhor, forca e parë e opozitës parlamentare dhe forca e dytë e opozitës parlamentare kanë të drejtë të propozojnë 3 nga 7 anëtarë që ka KZAZ-ja. Pavarësisht se opozita nuk ka depozituar emrat e komisionerëve, ligji parashikon se në të tilla raste ato emërohen nga Komisioni Qendror i Zgjedhjeve për të plotësuar vakancat në KZAZ, për të mos penguar administrimin e proceseve zgjedhore në vend.

Lexo edhe :   “Për një PD më të bashkuar”, “Foltorja” e Berishës zhvendoset në Fier

PËRBËRJA

KZAZ-ja përbëhet nga 7 anëtarë dhe sekretari, të cilët emërohen nga KQZ-ja, sipas procedurës së mëposhtme: dy anëtarë propozohen nga partia kryesore e shumicës parlamentare, dy anëtarë propozohen nga partia kryesore e opozitës parlamentare, një anëtar propozohet nga partia e dytë e shumicës parlamentare dhe një anëtar propozohet nga partia e dytë e opozitës parlamentare.

Në rast se nuk arrihet baraspeshimi politik, sipas kësaj shkronje, grupi përkatës kompensohet me kandidaturat e partisë kryesore deri në baraspeshimin politik shumicëopozitë; anëtari i shtatë propozohet në gjysmën e KZAZ-ve nga partia e parë e shumicës parlamentare, kurse gjysma tjetër nga partia e parë e opozitës parlamentare./PANORAMA

- Reklama -

Më shumë nga kategoria




Të fundit

Për një parlamentarizëm antimafie, antikorrupsion

Nga: Pëllumb Nako Parlamenti filloi punimet nën një normalitet absolut. Sigurisht, u krijuan edhe komisionet përkatëse, të njëjtë si të viteve e dekadave më parë....

Alternime kthjellimesh dhe vranësira. Nesër priten teshje shiu të izoluara

Ditën e merkurë, vendi ynë pritet të jetë nën ndikimin e masave ajrore relativisht të paqëndrueshme. Moti parashikohet me alternime kthjellimesh dhe vranësira. Reshje shiu...

Artan Hoxha: Mund të arrestohen ish-kryeministra e ish-presidentë

Ambasadorja e SHBA-së në Tiranë Yuri Kim ka zhvilluar së fundmi një takim me 15 prokurorët e SPAK, ku ka përçuar mesazhe të rëndësishme....

Lajçak i shqetësuar për situatën në veri të Kosovës

Përfaqësuesi i BE për dialogun Kosovë-Serbi, Miroslav Lajçak, ka thënë se ka njoftuar vendet e BE-së për situatën në veri të Kosovës. Me anë...

Kurti takim me ambasadorët e QUINT-it, zbulon vendimin e fundit

Kryeministri Albin Kurti ka pritur sot në takim ambasadorët e vendeve të QUINT-it, ku është diskutuar lidhur me reciprocitetin e targave me Serbinë. Kurti...