Në një interpelancë të kërkuar përmes Platformës së Bashkëqeverisjes “shqiperiaqeduam.al” nga një grup studentësh të ekselencës, ministri i Europës dhe Punët e Jashtme, Ditmir Bushati u shpreh se marrëveshja e re me Greqinë do të jetë më e mirë se ajo e 2009. Bushati thotë se çdo diskutim në media për 12 milje detare, apo për falje të detit, është thjesht një shpifje.
Ndërsa, për Heqja e ligjit të luftës për ministrin e Jashtëm Bushati do të ndihmonte në fitimin e të drejtës së pronësisë tek ata persona që ishte vendosur sekuestro.
Ndërsa për çështjen çame, Bushati tha se për herë të parë ka shkëmbim të dhënash mes dy shteteve në rast se refuzohet kalimi për shtetasit çam.
E gjithë biseda e tij u transmetua live në ERTV të kryeministri Rama, ku shumë e ndoqën atë një rrjetin social “Facebook”, ku dhe kanë komentuar. Ata i kanë kërkuar qeverisë që të flasë troç për marrëveshjet që do të arrijë me vendin fqinj, dhe të mos bëjnë lojëra politike. Vetë Rama, mesa duket ka gjetur kohën dhe u është përgjigjur disa prej komenteve të qytetarëve.
Replikat:
Qytetari: Me pak fjale, nuk ka ceshtje came te ngritur per te negociuar se skan kelleqe keta tanet se merzitet greku dhe vendos veton per celjen e negociatave per bashkimin europian. shkurt!
Rama: Me pak fjale ti s’ke kuptuar asgje! Shkurt
Qytetari: dikush ti shpjegoje zotit minister qe ka nje ndryshim thelbesor ndermjet integrimit dhe asimilimit. Te blesh ndihmen e Greqise me troje te vendit tend eshte pazar i mire??
Rama: Ndersa ty Lorid dikush duhet te te shpjegoje se padija nuk eshte argument, sepse nuk ka asnje truall te vendit tone, pra edhe tendit, ne asnje pazar dhe nuk ka asnje ndihme e pritshme qe ka lidhje me trojet! Po kur nuk do te degjosh e as te kuptosh, as degjon as kupton.
Qytetari: O shoku fol TROC jo politike.Populli don te kuptoje eshte dhene det apo jo.Kaq e thjeshte eshte pse e veshtireson kot.Por sdo me dhene pergjigjen qe kerkojm.
Rama: Stiv, JO Stiv JO, JO JO JO, nuk eshte dhene det Stiv JO! Kuptove ti, se populli kupton mos i’a qaj hallin!
Qytetari: fol shkurt e sakte o Z.Minister, pa fjale boshe. ca i dhate e ca morret nga greqia, shkurt
Rama: Eh, degjo me vemedje qe te kuptosh Gogo, se flitet per diplomaci jo per futboll!
Qytetari: Me Shkurt Sala fali me shume ndersa ju me pak sesa berisha dhe ju jeni krenare per kete ??? Greqia perfitoi deti greqia perfitoi varrezat ndersa ju perfituat nga rasti vetem komunikim mengrekun ? ? ? ? ?
Rama: Po kete ku e nxorre apo ne pishine? Dil nga pishina, thahu, vishu dhe kur ulesh per te degjuar, degjo, se ndryshe nuk kupton asgje!
Qytetari: Ore ju besoni propaganden qe bejne greket ata kete pune kane, vetem mashtrime e genjeshtra jane ..ku dine te verteten shtetasit grek hane bar nga shteti kisha dhe kazanet tv te tyre .. degjoni tanet cthone jo ata
Rama: Po kujt i flet, keta ketu kane kazanet e tyre edhe keta??
Qytetari: Çfarë përfiton Shqipëria nga kjo marrëveshje, ishte një pyetje. Ore, akoma nuk po e kuptoni. Shqipëria të ruaj atë që i takon dhe që Berisha ua fali grekëve. Kjo është çështja. Pastaj çështjet e tjera po negociohen, por do shohim në fund çfarë është bërë.
Rama: Jo jo, fol sa te duash, akoma nuk e kuptojne dhe as do ta kuptojne, sepse nuk duan ta kuptojne!