Situata në Kosovë si pasojë e pandemisë paraqitet shqetësuese!
Alarmin e ka ngritur edhe kryeministri Avdullah Hoti i cili bëri me dije se aktualisht janë në dispozicion vetëm 130 shtretër të lirë për pacientët me COVID-19.
Kësisoj, me këto ritme, shëndetësia po shkon drejt kolapsit.
Sipas Hotit kapacitetet spitalore janë duke u shteruar:
“Ne ndoshta duhet që t’i mbyllim disa klinika në mënyrë që ta bëjmë një organizim”.
Një tjetër fakt aspak pozitiv është se më shumë se 400 punëtorë shëndetësorë janë të infektuar me koronavirus në Kosovë.
Sakaq, drejtuesit e Federatës Sindikale të Shëndetësisë kanë ngritur shqetësimin se nga infektimi i punëtorëve shëndetësorë, kujdesi ndaj pacientëve po vihet në rrezik:
“Me të vërtetë situata është alarmante. Punëtorët janë duke u lodhur dhe domosdoshmërisht do të bjerë edhe shërbimi”.
