Situata në Rinas, Rama: Aeroporti është marrë peng nga Meta dhe Berisha

Kryeministri Edi Rama vijon të drejtojë gishtin nga Presidenti i Republikës, Ilir Meta dhe ish-kryeministri Sali Berisha, në lidhje me situatën e shkaktuar te Aeroporti i Rinasit.

Gjatë një bashkëbisedimi me strukturat e Partisë Socialiste në Tepelenë, Rama u shpreh se aeroporti është marrë penga nga Meta dhe Berisha.

Rama u bëri thirrje kontrollorëve që të kthehen në vendin e punës një orë e më parë.

Edi Rama: ”Ka ndodhur një akt i paimagjinueshëm, është marrë peng aeroporit “Nënë Tereza”, nga një grup i nxitur nga Presidenti Ilir Meta dhe ish-kryeministri Sali Berisha. Berisha ka dalë hapur prej ditësh duke e nxitur këtë gjë. Meta ke hedhur një gur leshko dhe pasi ka fshehur dorën e ka lënë të kuptohet pa dashje se është pjesë. Çdo shqiptar e kupton sigurisht se si Ilir Meta dhe Berisha janë të përfshire drejtpërdrejtë në këtë akt.

Sot duhet të mbërrinte në aeroportin “Nënë Tereza” sasia tjetër e vaksinave, por nuk do të jetë e mundur. megjithatë i kanë bërë llogaritë gabim, kanë gjetur kryeministrin më të gabuar. Kanë shfrytëzuar një grup kokash të nxehta dhe kanë përfshirë në operacion edhe të tjerët. U bëj thirrje edhe atyre të tjerëve që të kthehen në detyrë një orë e më parë.”