Situata e Covid-19/ Komiteti Teknik njofton masat kufizuese

Edhe pse prej 10 ditësh Shqipëria ka filluar vaksinimin masiv të popullsisë kundër koronavirusit dhe kurba ka pësuar rënie, masat kufizuese nuk do të ndryshojnë.

Lajmi u bë i ditur nga zv.Ministrja e Shëndetësisë, Mira Rakacolli gjatë konferencës për shtyp të Komitetit Teknik të Ekspertëve.

Sipas saj, situata nuk është aty ku duhet të jemi dhe mendohet që masat të vazhdojnë të mbeten në të njëjtin nivel.

Ndër të tjera, ajo përsëriti thirrjet për partitë politike që të shmangin grumbullimet me më shumë se 10 persona gjatë fushatave elektorale.

Mira Rakacolli: ”Mendojmë që masat kanë qenë efikase dhe ky rezultat vjen edhe si bashkëpunim i mirë të një pjese të qytetarëve për ato masa për të cilat asnjëherë nuk jemi lodhur së thëni. Një nga arritjet më të mëdha të këtyre javëve ka qenë fushata e vaksinimit. Shqipëria në 10 ditëshin e fundit, ka zënë vendin e parë në rajon sa i përket ritmit të vaksinimit, duke ia kaluar jo vetëm Italisë dhe Greqisë por edhe Serbisë që mbante vendin e parë.

Megjithatë këtyre arritjeve, situata nuk është aty ku duhet të jemi dhe mendohet që masat të vazhdojnë të mbeten në të njëjtin nivel. Nuk propozohet asnjë ndryshim masash. Do mbetet në fuqi ora policore”,

Do të kemi vazhdimësinë e mësimit online dhe të shkollave të mesme, me përjashtim të maturave, duke u monitoruar në mënyrë të kujdesshme. Dhe fluturimet me Britaninë e Madhe edhe për këto dy javë mbeten të pezulluara. Rekomandohet që të respektohet dhe të ngelet në fuqi vendimi për ndalimin e grumbullimeve, jo më shumë se 10 veta”.

Masat që mbeten në fuqi:

Lexo edhe :   E rëndë në Brazil/ Pacientët me Covid-19 intubohen pa qetësues

Vendi do të mbyllet gjatë fashës orarë 20:00-06:00. 

Qytetarët nuk lejohet që të levizin gjatë kësaj fashe orare.

Përjashtim bëjnë rastet e emergjencave shëndetësore dhe për arsye pune. Në rastin e fundit duhet të keni lejen e posaçme.

 Gjatë kësaj faze orare nuk lejohet aktiviteti i bareve, restoranteve, klubeve, nga ora 20:00 e mbrëmjes – 06:00 të mëngjesit. Përjashtim bëjnë shërbimet delivery.

Shkollat e mesme në zonat e riskut të lartë vijojnë online përveç maturantëve.

Universitetet do të vijojnë me mësimin online.

Fluturimet me Britaninë e Madhe mbeten të pezulluara.