Kreu i Partisë Demokratike, Lulzim Basha ka akuzuar kryeministrin Rama nga Korça, se ai sillet si një prind pijanec apo bixhozçi.
Këtë deklaratë, Basha e bëri teksa vizitoi biznesin fason në Korçë, ku tha ndër të tjera se biznesi ndihet i kërcënuar për shkak të rritjes së naftës dhe të çmimit të energjisë elektrike.
“Gjërat si në familje si në shtet lidhen. Po të jenë prindërit mirë, do të jenë mirë edhe fëmijët. Sa më mirë të jenë qytetarët aq më mirë është shteti. Për këtë duhet një shtet që e sheh Shqipërinë me të njëjtin sy si prindërit familjen. Sot nuk e kemi këtë shtet. Sot kemi shtetin dhe qeverinë që sillem me shoqërinë njësoj siç sillet një prind i keq, një prind pijanec që e bën të gjithë rrogën alkool dhe nuk iu çon bukë fëmijëve”, tha Basha ndër të tjera.
Po ashtu, kryedemokrati deklaroi se PD ka plan të qartë për biznesin dhe çlirimin e ekonomisë.
