Kryedemokrati Basha, brenda së premtes duhet të vendosë për fatin e ish-kryemistrit. Berisha është shpallur “non grata” nga Departamenti Amerikan i Shtetit. Ambasadorja Yuri Kim e ka thënë më herët se amerikanët nuk e duan Berishën në Parlament.
Tashmë gjithçka është në dorë të kreut të Partisë Demokratike, Lulzim Basha, i cili para datës 10 shtator që është planifikuar të mblidhet Kuvend i ri i dalë nga zgjedhjet parlamentare të 25 prillit, të vendosë nëse partia që ai drejton do të distancohet ose jo nga ish-kryeministri Berisha.
Duket se ‘fati’ i Berishës është në duart e Kryesisë së PD-së, e cila është rinovuar tërësisht dhe ka brenda saj anëtarë që kërkojnë rreshtimin krah SHBA-së. Disa prej anëtarëve të Kryesisë si Fitim Zekthi apo Jonila Godole që është edhe Sekretare për të Përndjekurit Politikë, e kanë shprehur publikisht që PD-ja të distancohet nga Sali Berisha. Godole deklaroi hapur se PD-ja duhet të distancohet nga Berisha, ndërsa Zekthi tha se ish-lideri demokrat mund të përjashtohet nga grupi. /Tirana Today
