Kronikë

Shtrirë në rrugë me duart nga pas, kapen në flagrancë shpërndarësit e drogës

               Publikuar në : 14:11 - 12/06/19 S.N

Pesë persona, 3 nga Kruja dhe 2 nga Tirana, pjesë e një grupi shpërndarësish të drogës janë arrestuar gjatë ditës së sotme.

Pas një hetimi intensiv disa mujor me metoda speciale të hetimit nga Komisariati i Policisë Krujë, në bashkëpunim me Forcën e Posaçme Operacionale në Policinë e Shtetit, policia arrestoi shtetasit:

  1. G. B., 20 vjeç, banues në Kameras, Fushë Krujë;
  2. Xh. Xh., 24 vjeç, banues në Tiranë;
  3. A. T., 19 vjeç, banues në Larushk, Fushë Krujë;
  4. E. Q., 25 vjeç , banues në Tiranë;
  5. E. Z., 39 vjeç, banues në Fushë Krujë.

Ndërkohë në disa pamje të siguruara nga Policia e Shtetit, shfaqen momentet e arrestimit të disa prej tyre, ku njëri prej tyre shfaqet i shtrirë në mes të rrugës, me duart e kryqëzuara pas.

Të arrestuarit ishin duke shkëmbyer një sasi lënde narkotike të dyshuar si Cannabis Sativa, të ndarë në doza të vogla, gati për shitje, ne momentin kur u kapën në flagrancë nga shërbimet policore.

Nën drejtimin e Prokurorisë, vijon puna për dokumentimin e plotë ligjor të veprimtarisë kriminale të ushtruar nga këta shtetas, si dhe për evidentimin dhe kapjen e personave të tjerë të përfshirë në këtë aktivitet kriminal.

Arrestimi erdhi në kuadër të një operacioni mes Departamentit të Policisë Kriminale, Drejtorisë së Forcës së Posaçme Operacionale, DVP Durrës, Komisariatit të Policisë Krujë, DVP Tiranë, nën drejtimin e Prokurorisë së Rrethit gjyqësor Krujë.

Kthehu
WhatsApp Denonco ne TT