Shtohen rastet me koronavirus në Greqi. Mediat vendase bëjnë me dije se janë regjistruar edhe 5 raste të reja.
Raportohet se katër prej tyre kanë pasur kontakt me rastet e mëparshme të konfirmuara, ndërsa pacienti i pestë ka ardhur nga Londra.
Deri më tani janë konfirmuar 89 të prekur me koronavirus në shtetin fqinj. Në gjendje më të rëndë shëndetësore ndodhet një 67-vjeçar, i cili po kurohet në spitalin e Rios.
Greqia po shton masat e marra ndaj koronavirusit, duke njoftuar dita ditës mbylljen e shkollave apo institucioneve të tjera të populluara.
