Ministria e Shëndetësisë ka reaguar në lidhje me shtimin e rasteve me koronavirus, gjatë ditëve të fundit në vend.
Lidhur me këtë situatë, MSH thekson se kjo periudhë nuk mund të krahasohet me pikun nën efektin e masave të karantinës. Kjo pasi sipas tyre, tashmë 97% e subjekteve janë në aktivitet dhe numri i kontakteve është më i lartë.
“Por duhet theksuar se kjo periudhë nuk mund të krahasohet me periudhën e pikut nën efektin e masave të karantinës, për vetë faktin se kemi kohë më të gjatë ekspozimi dhe numër më të lartë kontaktesh gjatë aktiviteteve rutinë të ditës, ku aktualisht 97 % e subjekteve janë në aktivitet”, thekson MSH.
Ditët e fundit, Shqipëria ka shënuar shifra rekord të rasteve të reja me koronavirus. Numri më i lartë u regjistrua sot, ku u shënuan 69 raste të reja.
Kështu ka shkuar në 1,590 numri total i rasteve të konfirmuar me COVID-19 në vend.
