Qeveria është në qendër të sulmeve të opozitës pas tërmetit të 26 nëntorit, ku humbën jetën 51 persona dhe u plagosën mbi 900 të tjerë.
Në një intervistë për televizionin Abc News, ish-ministri i Drejtësisë, Ylli Manjani e ka cilësuar si “shtet karagjoz” mungesën e mjeteve dhe kapaciteteve njerëzore për të menaxhuar pasojat. Ai shtoi se kryeministri po bën fushatë politike me fatkeqësinë që ndodhi.
“Ky tërmet po përdoret për një fushatë. Me idenë ta mbulojmë. Teatër i qartë. Qëllimi i tij është të dobësojë sa më shumë opozitën. Nuk lë rast pa shfrytëzuar”, theksoi ish-ministri.
Sipas tij, Rama duhet të “zhduket” nga kamerat dhe të fokusohet në zgjidhjen e emergjencës.
“Njerëzit sot kërkojnë që zyrtarët të fokusohen në punët e tyre. Kur ndodhin fatkeqësi qeveria nuk do bëjë cirk. Kjo nxori zbuluar shtetin karagjoz. Karagjoz ka qenë 30 vjet, por tani ka dalë sheshit fare. Një shtet pa qen. Kjo është e vërteta dhe rri tani dhe tregojnë përralla, u flasin njerëzve me arrogancë dhe u kërkon qenve të pushojnë.
Ka një problem shumë të madh, por flasim për një gjuhë zyrtare. Me çfarë do i ngopësh njerëzit me lugë bosh. Nuk ka rezerva shteti as për një pako makarona. Të hanë njëherë njerëzit, të ushqehen. Kjo fatkeqësi u ka rënë njerëzve. Qeveria e ka për detyrë të zgjidhë emergjencën”, u shpreh ish ministri.
Ministria e Financave urdhër Thesarit: Asnjë kokërr leku për prokurimet publike
Ndërkohë, sipas Manjanit në krye të situatës duhet të ishte kreu i Emergjencave civile, jo kryeministri.
“Para Haki Çakos, Çuçi, Rama, Ahmdetaj janë hiç. Duhet të ishte Haki Çako në krye, sipas ligjit. Po shohim Edi Ramën që i bërtet qenit. E kupton ku ka arritur…çfarë katastrofe. Tani flitet për rindërtim. Këtu nuk ka mbaruar fatura e dëmit. Si mund të flitet për një faturë pa bërë një inventar. ”, tha Manjani.
