Kronikë

Shqiptari refuzoi të ndalonte, policia holandeze qëllon ndaj kamionit (Foto)

               Publikuar në : 20:14 - 15/05/19 Enno

Një kamion me mallra të vjedhura që drejtohej nga një shqiptar, është bllokuar mbrëmjen e djeshme  nga policia në Holandë.

Mësohet se autoritetet vendase i bën shenjë kamionit dhe një automjeti tjetër që e shoqëronte të ndalonte në postbllok, por ata refuzuan dhe vazhduan të ecnin.

Në këtë moment, efektivët e policisë qëlluan me armë në ajër për paralajmërim, por nuk pati asnjë të lënduar.

Sipas mediave holandeze, shoferi i kamionit dhe shoferi i dytë, si dhe pesë personat që ndodheshin në autoveturë braktisën mjetet dhe u arratisën në këmbë.

Policia mundi të arrestonte vetëm shoferin e kamionit, një 46-vjeçar shqiptar identiteti i të cilit nuk bëhet i ditur, ndërsa 6 personat e tjerë ende nuk janë gjetur edhe pas kërkimeve intensive.

Mësohet se brenda kamionit u gjetën mallra të vjedhura, të tilla si celularë, sende elektronike dhe rroba. Madje edhe vetë kamioni rezultonte i vjedhur.

Autoritetet holandeze po marrin në pyetje shqiptarin e arrestuar dhe njëkohësisht po vazhdojnë kërkimet për kapjen e bashkëpunëtorëve të tij të arratisur.

Kthehu
WhatsApp Denonco ne TT