Konstitucionalisti Shkëlqim Hajdari, ka komentuar në studion e “News24” situatën politike dhe betejën e ashpër për të kapur të ashtëquajturit ‘peshqit e mëdhenj’. Ai tha se për kapjen e peshqve të mëdhenj, një shprehje e huazuar nga Donald Lu, është tejet e vështirë në një situatë zgjedhore.
Por ndërsa provat janë dhënë nga SPAK se po ecën me ritme të shpejta, z. Hajdari jep lajmin e shumëpritur se është gati infrastruktura. Dy vite më parë, ish ambasadori amerikan në Tiranë, Donald Lu, ironizonte institucionet shqiptare në luftën kundër krimit dhe korrupsionit në ditën e gënjeshtrave, në 1 prill.
Madje në atë kohë, ambasada e SHBA publikoi edhe një karikaturë, ku Donald Lu shfaqej pranë një dyqani ku lexohej ‘Peshk i Madh’ dhe kërkon të dijë se ku janë peshqit e mëdhenj, ndërsa në arka ka vetëm sardele.
Shkëlqim Hajdari foli edhe për krijimin e Gjykatës Kushtetuese, asaj të Lartë, shqyrtimin e dosjeve që janë lënë në mëshirë të fatit, por edhe për punën dhe rezultatet e SPAK.
Ai i mëshoi fort faktit se krijimi i Gjykatës Kushtetuese, është një emergjencë kombëtare. “Krijimi i Gjykatës Kushtetuese është një emergjencë kombëtare. Mbi çdo lloj prioriteti është Gjykata Kushtetuese. Janë me qindra dosje, volumi është i madh. Pas Gjykatës Kushtetuese, emergjencë është Gjykata e Lartë. Gjykata Kushtetuese nuk është e plotë. Janë emëruar disa nga 9 anëtarët që duhet të ketë. Duhet të besojmë tek integriteti i gjyqtarëve. Mes nesh themi nuk ka rëndësi sesi promovohesh. E rëndësishme është si del. Njerëzit kanë në dorë për të qënë me të drejtën, me të vërtetën. Të gjithë ata që marrin poste, kanë kaluar në disa filtra. Tashmë që shoqëria shqiptare, mjetet elektronike, qoftë media e shkruar, media të tjera sociale e kanë ngritur opinionin publik. Gjykata Kushtetuese në Shqipëri ka treguar se ka dalë mbi palët politike. Trupa që do ndërtohet, një trupë profesionistësh dhe të paanshëm”.
“Gjykata e Lartë ka pas momentet e veta që mund të ecte më shpejtë, aktorët ndërkombëtarë. Shqipëria aspiron çeljen e negociatave. Gjykata e Lartë është një nga kushtet. Një informacionin që kam unë, edhe Gjykata Kushtetuese duhet ta gjejë funksionale”.
Prokuroria e Posaçme Antikorrupsion, e njohur ndryshe si SPAK, ka dhënë provat për kapjen e peshqve. Konstitucionalisti Shkëlqim Hajdari tha se SPAK është në rrugë të mbarë, ku po ndërtohen mjetet për të patur infrastrukturën e nevojshme.
“Kjo metafora e peshqve fitoi qytetari pasi e përdori Donald Lu, dhe nuk është metaforë e keqe. Peshqit e vegjël kapen kollaj. Për ta zbatuar këtë metaforë, është që peshqit e medhenj janë larg. E rëndësishme është që po ndertohen mjete, gjithë këtë infrastrukturë do ta kemi në fund të dhjetorit. Do ta kemi gati me anije me rrjeta. Opinioni publik dhe aktorët kanë filluar ta testojnë, edhe SPAK funksional 100 % në fund të dhjetorit, në fillim të janarit. Viti tjetër do të jetë shumë interesant”.
I pyetur nëse do kapen peshqit e mëdhenj para zgjedhjeve, Shkëlqim Hajdari u tregua mjaft i drejtëpërdrejtë. “Vështirë është kur je në situatë zgjedhore. Veshtirë me këtë klasë politike që të leshojë pushtet absolut”.
TIRANA TODAY
