Edhe pse prej një viti e gjithë bota është përfshirë nga pandemia Covid-19, Shqipëria si një nga vendet e varfra në botë vazhdon të renditet ndër vendet me çmimim të lartë të karburanteve në botë, më saktësisht e 16-ta.
Sipas një renditje të fundit të publikuar nga Global Price Petrol për çmimin e naftës, Shqipëria lë pas, shtete se Suedia, Hong Kongu apo Finlanda, të cilët konsiderohen si vende të pasura dhe me burime të mëdha të ardhurash për frymë.
Mesatarja e një litri nafte në Shqipëri llogaritet në 1,66 dollarë, kurse për Suedinë çmimi është 1,72 dollarë për litër dhe 1.93 dollarë për litër kushton nafta në Hong-Kong.
Diferenca me vendet e rajonit është shumë e madhe. Maqedonasit e blejnë një litër naftë për 1.05 dollarë, një çmim ky shumë herë më i lirë se ajo çka paguajnë qytetarët shqiptarë. Ndërkohë, në Mal të Zi një litër naftë shitet mesatarisht për 1.24 dollarë, ndërsa në Serbi për 1,46 dollarë.
