Barcelona në krizë, drejtuesit marrin vendimin e fundit për trajnerin Kuman

Prej muajsh skuadra e Barcelonës ndodhet në krizë. Nuk ka sjellë efekte as Ronald Koeman në pankinë, madje tekniku holandez ka nisur të ndjejë shpejt hijet e shkarkimit.

Ecuria negative në kampionat me 21 pikë pas 13 ndeshjeve dhe vendi i pestë në renditje, kanë shtuar zërat se aventura e trajnerit është drejt fundit.

Por, për ta qetësuar atë qoftë edhe përkohësisht ka menduar presidenti në detyrë i klubit katalanas, Karles Tuskes. “Nuk do të shkarkojmë askënd. Jam i bindur se ai po bën një punë të mirë dhe për këtë ka mbështetjen time”, tha ai.

Megjithatë, besimi nuk mund të zgjasë pafund dhe Barcelona duhet të ndryshojë kurs shumë shpejt.