Stuhia “Filomena” që mbuloi një pjesë të Spanjës me dëborë, po i drejtohet Ballkanit. Në të vërtetë, ditët e acarit kanë nisur nga sot në vendin tonë. E ftuar në “Wake Up”, sinoptikania Lajda Porja tregoi si pritet të jetë moti në ditët në vijim.
Ajo tha se nuk priten sasi të konsiderueshme të reshjeve të dëborës, por kryesisht do të ketë mot të kthjellët. Këto ditë në vendin tonë do të mbizotërojnë temperaturat e ulëta. Parashikohet që të zbresë termometri edhe minus 13 në zonat malore, dhe kryesisht do të jetë pak më shumë e prekur zona verilindore edhe zonat e thella ku do shënojë termometri minus 13.
“Në shumë vende të botës po shohim fenomenet ekstreme që janë më të shpeshta dhe kanë një shkallë egërsie më të lartë.
Stuhia parashikohet që të vijë që sot rreth vendeve të Ballkanit dhe Shqipërisë, në fakt nuk është se presim të kemi sasi të konsiderueshme te reshjeve të dëborës, kryesisht do ketë mot të kthjellët.
E gjithë kryefjala e këtyre ditëve do jenë vlerat termike, të cilat do sjellin temperatura ekstremisht të ulëta. Parashikohet që të zbresë termometri edhe minus 13 në zonat malore dhe kryesisht do të jetë pak më shumë e prekur zona verilindore edhe zonat e thella ku do shënojë termometri minus 13.
Pritet që e premtja dhe fundjava, e gjithë Shqipëria të jetë e ngrirë”, bëri të ditur sinoptikania Porja.
