Ish-kryetari i Bashkisë së Vlorës, Shpëtim Gjika, me rastin e 57-vjetorit të lindjes, përveç urimeve që ka marrë nga të afërmit, nuk ka munguar dhurata e kryeministrit Rama për të.
Këtë e ka bërë të ditur vetë Gjika me anë të një postimi në llogarinë e tij në ‘Facebook’. Në foton e publikuar nga ish-kryebashkiaku, dallohet dhurata e bërë nga kryeministri, një shishe verë.
“Edhe këtë vit nuk mungoi dhurata e Kryeministrit për ditëlindjen time”, shkruan Gjika krahas fotos.
Kujtojmë se raportet mes Ramës dhe Gjikës u dobësuan në vitin 2015, ku disa muaj para se të përfundonte mandatin e kryebashkiakut, Gjika u arrestua për shpërdorim detyre me lejet e ndërtimit.
Asokohe, Rama u shpreh se Gjikën e kishte mik, por nuk mund ta amnistonte.
