Shtetasi Preng Gjini mbeti i plagosur në një atentat disa ditë më parë, ndërsa dje është dërguar për kurim në Turqi.
Dyshohet se shkak i atentatit është hakmarrja mes dy fiseve në Rreshen, Reçi dhe Gjini, për zonat e drogës. Mes dy fiseve ka patur 5 viktima, por dje vëllezërit e familjes Reçi deklaruan në polici se nuk kanë lidhje me ngjarjen.
Sot janë zbardhur detaje të reja nga atentati me minë të telekomanduar ndaj Preng Gjinit në Tiranë.
Raportohet se ditën e ngjarjes, Gjini është ndjekur nga një person rreth 30 vjeç, i veshur me xhinse dhe një bluzë të zezë. Ai mbante një çantë të kuqe, ndërsa mësohet se ka folur në gjuhën italiane. Policia dyshon se ai është shqiptar, dhe komunikimin në gjuhë të huaj e ka bërë për të humbur gjurmët.
Prokuroria e Tiranës dhe grupi i hetimit të Krimeve të Rënda, kanë identifikuar një person që shfaqet në kamerat e sigurisë në zonën ku ndodhi shpërthimi. Nga hetimet, dyshohet se personi që lëvizte me këtë makinë është i afërm i familjes Reçi, familje me të cilën Preng Gjini është në hasmëri.
Atentati me tritol ndaj Preng Gjinit lidhet me gjakmarrjen mes dy familjeve Gjini dhe Reçi në qytetin e Rrëshenit. Preng Gjini i cili ra pre e një atentati me tritol në Tiranë, është larguar drejt Turqisë, për t’iu nënshtruar një operacioni në sy, për shkak se rrezikon të humbas shikimin.
Ai u shtrua te Spitali i Traumës në Tiranë, ku iu nënshtrua disa operacioneve në bark, në sy si dhe mori dëmtime në krahun e majtë. Për shkak të shpërthimit, ai rrezikonte humbje të shikimit, dhe për këtë ai është dërguar për kurim drejt Turqisë.
50-vjeçarit Preng Gjinit iu bë atentat, ku makinës me të cilën udhëtonte i ishte vendosur një sasi tritoli 400 gram C4, në pjesën e përparme të makinës dhe shpërthimi është kontrolluar nga një telekomandë në distancë ndërsa ai ishte duke udhëtuar.
