Ditën e djeshme u bënë virale në rrjetet sociale fotot e një dasme në Filipine, ku në sfond dukej shpërthimi i vullkanit Taal.
Në kohën kur burri dhe gruaja dolën para altarit, qielli ishte pushtuar nga hiri i vullkanit që nuk ndodhej shumë larg tyre. Çifti Chino dhe Kat Palomar u zotuan për besnikëri ndaj njëri-tjetrit nën renë gjigante të hirit të vullkanit.
“Për habi, dasmorët ishin të qetë, pavarësisht shtëllungës së madhe të tymit dhe hirit që dukej qartë në prapavijë”, tha fotografi i dasmës.
Sipas fotografit, vullkani shpërtheu një ose dy orë para fillimit të ceremonisë së dasmës teksa pohon se hiri kishte filluar të binte edhe në vendin ku u mbaj ceremonia.
Ndërkohë më shumë se 24 mijë persona u detyruan të evakuojnë shtëpitë e tyre si pasojë e shpërthimit të këtij vullkani.
https://www.youtube.com/watch?v=piZ4k5Soax4
