Një shpërthim me lëndë plasëse ka ndodhur pas mesnate në lagjen “Gafurr Muço” në Lushnje. Burime zyrtare nga policia njoftojnë se një sasi e vogël lënde plasëse, ka shpërthyer në afërsi të derës së jashtme të banesës së shtetasit B. Ç.
Si pasojë e shpërthimit është dëmtuar dera e kësaj banese, por dhe e banesës përballë saj, në pronësi të shtetasit L. B. Grupi hetimor ka nisur punën për zbardhjen e ngjarjes, fatmirësisht pa të lënduar.
Njoftimi i policisë:
Sot rreth orës 02:35, në lagjen “Gafurr Muço”, Lushnjë, në katin e parë të një pallati parafabrikatë, ka shpërthyer një sasi e vogël lënde plasëse në afërsi të derës së jashtme të banesës së shtetasit B. Ç.
Si pasojë e shpërthimit është dëmtuar dera e kësaj banese dhe e banesës përballë saj, në pronësi të shtetasit L. B.
Grupi hetimor nën drejtimin e Prokurorisë Lushnjë po vijon punën për zbardhjen e ngjarjes, identifikimin dhe kapjen e autorëve.
