Deputeti Kujtim Gjuzi ka kërkuar nga sekretari i Përgjithshëm i PS, Taulant Balla, që t’i përfshijë në diskutimet e konferencës së kryetarëve. Mjaft i revoltuar, ai tha se opozita po has në sjellje jo korrekte nga ana e mazhorancës.
Gjuzi u shpreh ndër të tjera se nuk duan të krijojnë një situatë konfliktuale, por kjo situatë mund të agravojë nëse nuk merren parasysh kërkesat e tyre.
“Ne kërkojmë të flasim, dhe na thonë se duhet të flasim vetëm një herë. Balla ka kontaktuar partitë e breglanës. Brenda Parlamentit kur vijmë, 8 partitë politike anashkalohen. Balla na anashkalon. Kemi dy ditë që kishim lënë takim bashkë.
Nuk kam kundërshti që takon kryetarët e grupeve parlamentare. Ne duam të sjellim Parlamentin në parametra.
Nuk duam të gjuajmë me bojë kryeministrin, apo të hedhim ndonjë granatë këtu. Mos na detyroni. Nëse doni sherr e probleme, mos kujtoni se s’jemi gati për sherre, por ne duam ta sjellim situatën në normale. Ne jemi njerëz të përgjegjshëm. Nuk mund t’i anashkaloni 8 partitë politike”, përfundoi ai.
