Policia franceze ka arrestuar 4 shqiptarë të cilët trafikonin kokainë dhe heroinë. Mësohet se shqiptarët furnizonin tregun e Haute Savoie, në Francë, përmes Italisë e duke kaluar më pas nëpër tunelin ‘Mont Blanc’.
Sipas mediave të huaja, malli i sekuestruar prej tyre arrin vlerën e afro 500 mijë eurove.
Dy prej tyre u ndaluan nga policia ditën e martë në hyrje të tunelit, teksa po udhëtonin me një makinë tip “Mercedes”. Shqiptarët ishin nisur drejt Italisë dhe me vete mbanin 100 mijë euro të fshehura në motorin e makinës.
‘Alarm fals’/ Çfarë përmbante çanta e dyshuar për lëndë shpërthyese
Mediat vendase raportojnë se çdo 3 javë, 2 shqiptarët shkonin në Francë me vizë turistike dhe transportonin lëndë narkotike. Ata e dorëzonin lëndën narkotike tek dy bashkatdhetarë të tyre.
Këta të fundit pastronin paratë duke blerë me para në dorë makina të shtrenjta, në Zvicër, më pas ata i rishisnin makinat sapo ktheheshin në Shqipëri.
Dy të rinjtë përdornin një banesë në Saint-Julien, afër kufirit të Zvicrës si laborator të drogës. Gjatë kontrollit ushtruar në banesë policia gjeti dhe sekuestroi 60,000 euro para të thata, 1.5 kg heroinë, 1.7 kokainë. Të katër shqiptarët u arrestuan.
