Në përditësimin e radhës, Ministria e Shëndetësisë njoftoi se në harkun kohor të 24 orëve kanë rezultuar pozitivë 78 persona. Vatra të reja janë ri-hapur në Shkodër dhe Krujë, me numrin më të lartë të të prekurve ditorë.
“Numrin më të lartë të të prekurve ditorë e ka Shkodra me 14 raste, në Krujë janë identifikuar 13 të prekur, Tirana ka 12 raste, 9 janë identifikuar në Pukë, 6 në Delvinë, nga 4 raste në Gjirokastër, Vlorë, Kukës, nga 2 raste në Kamëz, Durrës, Fier, dhe nga 1 rast përkatësisht në Kurbin, Korçë, Kavajë, Lushnje, Mirditë, Pogradec”.
Në Shqipëri janë aktualisht 894 persona aktivë me COVID-19, kryesisht në Tiranë, Shkodër, Durrës.
Sakaq, në Spitalin Infektiv aktualisht po trajtohen 76 pacientë, 14 prej tyre janë në terapi intensive, ndërsa 2 janë të intubuar.
