E shoqëruar edhe nga ambasadori i BE, Luigi Soreca dhe nga deputetja e PS, Eglantina Gjermeni, deputetja demokrate Rudina Hajdari ka folur sot nga Shkodra, ku ishte pjesë e një aktiviteti që mbahej në kuadër të ditës së gruas.
Ajo refuzoi që të fliste për djegien e mandatit, e ndërsa përcolli shkurtimisht mesazhin se gratë duhet të ngrenë vazhdimisht zërin për problemet e tyre.
“Të gjitha ato gra dhe vajza, të ndjejnë që mund t’i bëjnë ëndrrat e tyre realitet dhe të jenë ato gra që e ndryshojnë vizionin e Shqipërisë dhe ta çojnë Shqipërinë në BE”, tha Hajdari.
E pyetur nëse do të vazhdojë ta mbajë ose jo mandatin e deputetes, Hajdari tha: “Jo, fola si qytetare e Shqipërisë”.
