Ministri i Brendshëm, Sandër Lleshaj ka prezantuar prefektin e ri të Shkodrës, Valdrin Pjetri. Ky i fundit është vendosur në vend të Pëllumb Danit.
Po ashtu, ministri Lleshaj foli edhe mbi situatën aktuale shqetësuese në Shkodër lidhur me krimin, ku vetëm para dy ditësh u vranë dy vëllezër.
Megjithatë, Lleshaj tha se do të angazhohen në mënyrë maksimale për t’u dhënë sigurinë maksimale qytetarëve.
“Qyteti i Shkodrës është sfiduar disa herë nga krimi. Siguria dhe rendi kanë marrë goditje të forta nga krimi në Shkodër. Ne jemi këtu me angazhimin më të madh për të dhënë sigurinë maksimale qytetarëve”, deklaroi Lleshaj.
Ministri i Brendshëm iu bëri thirrje qytetarëve për të bashkëpunuar me forcat e rendit.
“Ftoj qytetarët që të bashkëpunojnë me policinë për të goditur krimin e organizuar”, tha Lleshaj.
