Gjykata e Shkallës së Parë për Krimet e Rënda ka rrëzuar kërkesën e ish-kryeprokurorit, Adriatik Llalla. Ky i fundit kërkoi moszgjatjen e afateve hetimore ndaj tij edhe me 3 muaj.
Vendimi për zgjatjen e hetimeve u mor nga Krimet e Rënda rreth një javë më parë, për shkak të nevojës për të vazhduar me mbledhjen e provave dhe veprimet e tjera proceduriale.
Menjëherë pas këtij vendimi, Llalla me anë të një kërkese të regjistruar në datën 25 mars në Gjykatë, Llalla kërkoi mbylljen e tyre, duke e konsideruar të padrejtë vendimin për zgjatjen e afatit.
Ish-kryeprokurori është nën hetim nga Prokuroria për pastrim parash dhe fshehje të pasurisë. Më 9 gusht 2018 Gjykata e Apelit për Krime të Rënda rrëzoi kërkesën e ish-kryeprokurorit për heqjen e sekuestros preventive.
Pronat e tij u përllogariten në vlerën afro 1 miliard lekë dhe prej 23 korrikut 2018 janë të sekuestruara.
