Policia e shkodrës, ka përcjellë të dhënat e para lidhur me të shtënat me armë zjarri. Rreth orës 14:00, në vendin e quajtur Parrucë, në rrethana ende të paqarta dyshohet se një shtetas ka qëlluar në ajër me armë zjarri, dhe është larguar me automjet. Blutë e Shkodrës konfirmojnë po kështu se nuk ka të lënduar. Vijojnë hetimet, për sqarimin e rrethanave të ngjarjes, me qëllim identifikimin dhe kapjen e autorit.
Njoftimi i policisë
Më datë 12.02.2020, rreth orës 14:00, në vendin e quajtur Parruce, në rrethana ende të paqarta, dyshohet se një shtetas ka qëlluar në ajër me armë zjarri dhe është larguar me automjet .
Nga verifikimet e bëra nga policia nuk ka persona të dëmtuar.
Shërbimet e Policisë kanë shkuar menjëherë në vendngjarje së bashku me grupin hetimor dhe vijon puna për sqarimin e rrethanave të ngjarjes, me qëllim identifikimin dhe kapjen e autorit.
Më herët u raportua se shkëmbimi i zjarrit ka ndodhur mes dy makinave. U tha se një person mbeti i plagosur, ndërsa të shtënat kanë ardhur nga dy makina drejt njëra- tjetrës. Por policia përgënjeshtron këto zëra.
