Meta ka shprehur shqetësimin për nivelin ku kanë arritur çmimet e karburanteve në vendin tonë si dhe produkteve të shportës. Nga fillimi i shkurtit 2022, çmimet e karburanteve në Shqipëri janë rritur me gati 8 lekë për litër, duke arritur nivele rekord, teksa po i afrohen 200 lekëve për litër.
Përpos karburanteve, familjet shqiptare pothuajse çdo produkt po e blejnë më shtrenjtë. Çmimet e ushqimeve janë rritur me 4.5%. Po kështu shërbimet e transportit janë rritur me 6.9% dhe shpenzimet familjare për shëndetësinë janë rritur me 28%.
Njoftimi
EKONOMIA NUK MUND T’U LIHET NË DORË AVENTURIERËVE, QË PO VARFËROJNË SHQIPTARËT DHE PO FALIMENTOJNË SHQIPËRINË!
Me nivelin më të ulët të pagës minimale krahasuar me vendet e rajonit, rritja e çmimeve në Shqipëri nuk ka të ndalur.
Sipas të dhënave të EUROSTAT aktualisht, paga minimale në shkallë vendi është:
Në Shqipëri 248.4 Euro
Në Maqedoninë e Veriut 366.1 Euro
Në Serbi 401.4 Euro
Në Malin e Zi 532.5 Euro.
Ndërkohë nga fillimi i shkurtit 2022, çmimet e karburanteve në Shqipëri u rritën sërish me gati 8 lekë për litër, duke arritur nivele rekord, teksa po i afrohen 200 lekëve për litër.
Në muajt e fundit të vitit 2021 dhe fillim të 2022, familjet shqiptare, përveç karburanteve, pothuajse çdo produkt po e blejnë më shtrenjtë.
Çmimet e ushqimeve janë rritur me 4.5%
Shërbimet e transportit janë rritur me 6.9%
Shpenzimet familjare për shëndetësinë janë rritur me 28%.
Çmimet në Shqipëri i vendosin oligarkët dhe jo tregu!
Shkarkimi i Presidentit rikthehet sot në Gjykatën Kushtetuese
Sakaq, trupa gjykuese e Kushtetueses do të dëgjojë argumentet e Presidentit Meta përse ai e quan antikushtetues shkarkimin nga Parlamenti në qershor 2021, pasi Komisioni Hetimor i ngritur prej tij arriti në përfundimin se kreu i shtetit kishte shkelur rendë Kushtetutën me qëndrimet dhe deklaratat e mbajtura gjatë procesit zgjedhor të 25 prillit.
Në seancën e 1 shkurtit, Gjykata Kushtetuese rrëzoi kërkesën e përfaqësuesit ligjor të Presidentit, që kërkoi shkarkimin e trupës gjykuese.
Përfaqësuesit e Presidentit Meta kanë mbërritur në seancë me një dosje voluminoze dhe pritet të japin argumentet e tyre mbi çështjen. Kjo është seanca e dytë, pas asaj të zhvilluar dy ditë më parë, e cila përfundoi pas shumë orësh pa një vendim. Seanca e sotme pritet të mbyllet pa një vendim final për fatin e Presidentit Meta, për shkak se si përfaqësuesit e Kreut të Shtetit, ashtu edhe gjyqtarët, do duan kohë.
