Ish-kryeministri Berisha ka mbërritur në Kuvend, teksa ka shprehur hapur mbështetjen e tij për banorët e 5 Majit. “Drama e banorëve, marrëveshje mes palëve kërkon firmën e dy palëve dhe noterizimin e dokumentit, kërkon firmën e titullarit, Lal Plehut ose personit të autorizuar me prokurë. E kam ketu në çantë atë pseudo marrëvëshje qe u serviret banorëve.
Kjo që ndodh është mashtrim i madh, me kulla 30 katëshe që ndodhen në trojet e tyre. Në këtë rast Bashkia e Tiranës dhe qeveria në mënyrë që ti shpalli këta të paligjshëm, të marrë katet që do për vete, sillet në këtë mënyrë ndaj banorëve. Unë e mbështes protestën e tyre, u bëj thirrje qytetarëve të Tiranës që të solidarizohen me to, se kjo që po ndodh do i bëhet dhe atyre”.
Banorët e katër zonave në Tiranë, kanë vijuar protestën e tyre kundër prishjes së banesave. Pas qëndrimit një orë para Parlamentit, ata kanë marshuar drejt Ambasadës Amerikane.
Deputetët demokratë, përkrahës të ish-kryeministrit Sali Berisha dhe pjesë e komisionit të Rithemelimit të PD, i janë bashkuar protestës së banorëve para Parlamentit. Ata kanë lënë seancën dhe i janë bashkuar protestuesve, duke dëgjuar dhe ankesat e tyre.
Nga ana tjetër, kjo çështje është diskutuar edhe nga kryeministri Rama. Një qytetare i ka shkruar kreut të qeverisë në Facebook, ku dhe ka marrë një përgjigje.
Biseda
Qytetarja- Z/Rama
M/mengjes nga 5-maj
Besoj se po te degjosh nje perfaqesi te banoreve(tipik sipas problematikave qe jane) do e “detyroni”(me ligj,,,,me vkm,,,,) te ndryshohen disa pika te kontrates (te permiresohen,,,te qartesohen) dhe ju te beni punen dhe ne banoret te jemi te qete e te vazhdojme jeten normalisht
Faleminderit po e lexove aq me teper po u pergjigje
Shenim: mos me quaj te djathte sepse sju kam votuar asnjeher asnjerin krah …per dreq sme keni bindur kurre asnjeri nga ju .
Edi Rama- ndersa une besoj se tek 5 maji te gjitheve u eshte dhene haku qe u takon dhe disave madje edhe me shume se sa u takon, prandaj tani duhet vetem durim dhe besim, sepse njesoj sic po ndodh me te tere ata qe po perfitojne nga Rindertimi, do ndodhe edhe me ju atje, ndersa ate pjesen e votimit mos e thuaj te pakten, jo per mua, po per tere ata qe u vrane, u burgosen, u privuan nga e drejta e votes.
