Petrit Vasili, ka deklaruar se Amerika i ka “vënë vulën shitblerjes se votës”. Kreu i Grupit Parlamentar të LSI-së ka publikuar një pjesë të Raportit të Departamentit Amerikan të Shtetit, për të drejtat e njeriut në Shqipëri.
Me anë të një postimi në Facebook, Vasili shkruan: Amerika i vë vulën shitblerjes së votës. Departamenti Amerikan i Shtetit foli qartë, zgjedhjet e 2017 ishin: Shitblerje vote dhe presion. Nga shitblerja e votës u zgjodh Edi Rama, kjo qeveri dhe deputetët që ndërtuan kapjen e shtetit. Ndaj Edi Rama dhe qeveria janë të jashtëligjshme”.
Postimi i plotë:
Amerika i ve vulen shitblerjes se votes.
Departamanti Amerikan i Shtetit foli qarte zgjedhjet e 2017 ishin:
Shitblerje vote dhe presion.
Nga shitblerja e votes u zgjodh Edi Rama, kjo qeveri dhe deputetet qe ndertuan kapjen e shtetit.
Ndaj Edi Rama dhe qeveria jane te jashtligjshme.
Rrezimi i tyre eshte shpetimi i demokracise dhe i qytetareve.
Lexojeni vete ç’fare thote DASH:
“Shqipëria 2018, Raporti për të drejtat e njeriut, përmbledhja ekzekutive:
Republika e Shqipërisë është një demokraci parlamentare. Kushtetuta, autoriteti legjislativ në Parlamentin njëdhomësh (Kuvendi), i cili zgjedh të dyja kryeministrin dhe presidentin. Kryeministri kryeson qeverinë, ndërsa presidenti ka fuqi të kufizuar ekzekutive. Në qershor 2017, vendi mbajti zgjedhjet parlamentare. Organizata për Siguri dhe Bashkëpunim në Evropë (OSBE) raportoi se zgjedhjet respektonin liritë themelore, por u prekën nga akuzat për blerjen e votave dhe presionin mbi votuesit”, thuhet në raportin e DASH, të publikuar nga Vasili.
