Modelja Adrola Dushi, ka folur për herë të parë për fëmijërinë e saj në Rrëshen, teksa ishte e ftuar në “Pop Culture”. Ajo ka treguar se jetesa ishte plot sakrifica, ku i është dashur që të punonte me mamanë e saj.
“Shkollë, punoja me mamin, kthehesha në shtëpi. Absolutisht asgjë! Kam dy vëllezër që më duan shumë dhe më ruajnë shumë. Isha një gocë ‘e burgosur’, kështu që nuk kam bërë asgjë, thjesht shkollë, punë, shtëpi”, ka thënë Adrola duke qeshur. “Kam punuar që e vogël me mamin, shisja në pazar në Rrëshen”.
Më tej, Adrola ka zbuluar edhe ndryshimin që i është dashur të bëjë, kur ka ardhur për të jetuar në Tiranë. Modelja ka rrëfyer se i është dashur që të bëjë sakrifica, për të bërë ato gjëra që ajo nuk ishte përballur më herët.
View this post on Instagram
“Ka shumë ndryshim nga Ola e Rrëshënit, në Adrolën e Tiranës. Ola është ajo goca jashtëzakonisht shumë e thjeshtë, në çdolloj aspekti. Dhe me të vërtetë erdhi një moment që unë e urreja Adrolën, sepse më duhej të përshtatesha me disa gjëra. Duhet t’i bësh disa gjëra, sepse duhet t’i bësh!
Por Olën e dua jashtëzakonisht shumë, sepse Ola nuk e ka ulur kurrë kokën, ka qenë një gocë shumë krenare. Unë sigurisht që vazhdoj të jem e mirë, por kam bërë gjëra për Adrolën që s’jam ndjerë shumë mirë dhe them Ola vlen më shumë se Adrola”, ka treguar modelja.
View this post on Instagram
