Gjatë bashkëbisedimit me banorët e Shijakut, kryeministri Edi Rama iu ka bërë atyre me dije se banesat e reja që do të ndërtohen do jenë falas.
Kreu i qeverisë tha se në Itali kur ka rënë tërmete, familjet e prekura e kanë paguar një pjesë të shtëpisë me kredi. Rama theksoi se me programin e rindërtimit Shijaku do shndërrohet në një vend turistik.
“Ne mendojmë që kjo është një mundësi e madhe për t’i dhënë ekonomisë një mundësi të re. Nëse Shijaku mori një vëmendje pas rilindjes urbane, rindërtimi do ta bëj Shijakun pjesë të vizituar gjatë gjithë sezonit turistik.
90 % e pallateve ekzistuese do ndërtohen nga e para, edhe mjediset tregtare, baret, kafetë do jenë më një cilësi tjetër. Çfarë të investosh në ato pallatet e tjera, duke hap penxhere.. Shumë turistë do vijnë në Shijak për turizëm dhe për një darkë.
Unë tregoj shumë nga ato që janë ëndrra që i shoh me sy hapur, por ato pak nga pak realizohen, por të tjerët i quajnë si përralla.
Kur unë thosha që Beleshi do behet vend turistik, por edhe bashkëpunëtorët e mi që ishin pjesë e kësaj përpjekje, ky këtu e teproi se po ja fut kot. Kështu thoshin dhe për Pukën, dukeshin si ato fjalimet elektorale. Kalo, pallo me rrena dhe vazhdo fushatën”, tha ai.
