E martë, 27 Korrik, 2021
32.5 C
Tirana

Ju është shtyrë në disa raste fluturimi? Ja cilat janë 9 arsyet kryesore

Ju mbërrini në aeroport herët, kaloni përmes masave të sigurisë, dhe vendoseni në pritje të mbërritjes së avionit tuaj. Më pas ndodh e papritura. Fluturimi juaj vonohet për 3 orë, dhe tani ju dhe 150 pasagjerë të tjerë, jeni të detyruar të prisni gjithë mërzi orët shtesë.

Edhe pse vonesa e avionit nuk është kurrë një situatë ideale, ajo ka zakonisht një arsye shumë të fortë, sidomos kur bëhet fjalë për sigurinë e ekuipazhit dhe të njerëzve që janë në bord. Pra nëse jeni kurioz se çfarë po ndodh në fakt në prapaskenë, ja cilat janë 9 arsyet kryesore, se përse një avion pasagjerësh mbërrin më vonesë në destinacion.

  1. Vonesa në mbërritje

Fakt: rreth 40 përqind e të gjitha vonesave, shkaktohen nga mbërritjet me vonesë në destinacion. Avionët janë gjithnjë në lëvizje, duke u zhvendosur nga njëri aeroport në tjetrin. Edhe pse ka një kohë të arsyeshme pritjeje midis mbërritjes së një aeroplani, dhe nisjes së tij në destinacionin e radhës, nëse avioni i linjës tuaj vonohet për ndonjë arsye, udhëtimi mund të shndërrohet në një kalvar të gjatë, për shkak të një efekti zinxhir, që mund të ndikojë fluturimet gjatë gjithë asaj dite.

  1. Vonesa për shkak të kushteve të motit

Ka vonesa të përgjithshme për shkak të kushteve të motit, por edhe dhe vonesa për shkak të kushteve ekstreme të motit. Në rastin e parë përfshihen bubullimat, mjegulla dhe era e fortë, ndërsa në të dytën tornadot, uraganet dhe stuhitë e dëborës.

Ky lloj moti i keq, mund të jetë ose në aeroportin nga ku po niseni ju, në aeroportin ku do të mbërrini, ose kudo tjetër përgjatë itinerarit tuaj. Lajmi i mirë? Vetëm rreth 5 përqind e vonesave në fluturim, ndodhin për shkak të motit ekstrem.

  1. Vonesa për shkak të trafikut

Trafiku nuk ekziston vetëm në rrugët automobilistike, por edhe në pistat e aeroporteve. Kontrolli i Trafikut Ajror, duhet të monitorojë dhe udhëzojë me kujdes të gjithë avionët që ulen apo ngrihen nga pistat. Nëse kontrollorët janë paksa të zënë, ata mund ta vonojnë fluturimin tuaj, derisa të normalizojnë trafikun. Sipas statistikave kjo lloj situate, është përgjegjëse për afro 25 për qind të të gjitha vonesave në fluturime.

  1. Vonesa për shkak të operacioneve të mirëmbajtjes së aeroportit

Aeroportet kërkojnë shumë mirëmbajtje, në mënyrë që gjërat të funksionojnë pa problem, dhe të sigurta. Për shembull, nëse ka pak dëborë në pistë, aeroporti mund të ketë nevojë të pezullojë ngritjet dhe uljet e avionëve në mënyrë që të pastrojë pistat dhe rrugët ku kalojnë taksistët. Kur ndodh kjo gjë, fluturimet shpesh vonohen. Këtu përfshihet edhe problemi i grevave nga punonjësit e aeroportit, sidomos në Evropë.

  1. Problemet mekanike

Këto lloj problemesh, përbëjnë rreth 30 përqind të të gjitha vonesave. Avionët i nënshtrohen një inspektimi të plotë midis 2 fluturimeve. Nëse gjithçka është në rregull, atëherë shkëlqyer! Do të udhëtoni në kohë. Por nëse ka diçka nuk shkon, qoftë ky një defekt i madh siç mund të jetë një problem me pajisjet e uljes së avionit, apo i vogël, stafit të linjës ajrore do t’i duhet kohë për ta rregulluar atë.

  1. Përgatitja e avionëve

Midis fluturimeve, kabina e pilotit duhet të pastrohet, avioni duhet të mbushet me karburant, ndërsa duhet të kryhen furnizimet për ushqim dhe letër higjienike për pasagjerët. Nëse ndonjë prej ekipeve përgjegjëse për këto detyra, merr me shumë kohë se zakonisht, fluturimi mund të vonohet derisa të përfundojë puna e nisur.

  1. Problemet e ekuipazhit

Me ekuipazhin, mund të ndodhin të gjitha llojet e gjërave të këqija. Pilotët dhe stjuardesat kanë kufizime sesa orë mund të punojnë rresht, në mënyrë që të zvogëlojnë rrezikun e gabimit njerëzor gjatë një fluturimi. Ndonjëherë ata mund të marrin disa orë pushim nëse ka vonesa, gjë që do të kërkonte një ekuipazhi zëvendësues që të marrë përsipër udhëtimin.

  1. Vonesat e bagazheve

Nuk ndodhin shumë shpesh, por nganjëherë në procesin e ngarkimit të bagazheve, ka një mbingarkesë të madhe, dhe avioni mund të lihet në pritje për t’u siguruar që në bord të jenë futur bagazhet e gjithë pasagjerëve.

  1. Vonesat për shkaqe sigurie

Edhe pse vetëm 0.1 përqind e vonesave, janë për shkak të çështjeve të sigurisë, ato ndodhin herë pas here. Një vonesë e tillë, ndodh zakonisht kur ka një shkelje të normave të sigurisë nga ndonjë prej pasagjerëve. /TIRANA TODAY

- Reklama -

Më shumë nga kategoria




Të fundit

Meta: Zbrazja e Shqipërisë po kthehet në një fatkeqësi kombëtare

Presidenti i Republikës, Ilir Meta ka shprehur shqetësimin e tij në lidhje me shpopullimin e vendit. Përmes një postimi në rrjetet sociale, Meta shkruan...

Raporti i OSBE për zgjedhjet e 25 prillit, reagon delegacioni i BE në Shqipëri

Delegacioni i Bashkimit Europian në Shqipëri, ka reaguar pas publikimit të raportit final nga ana e OSBE-ODIHR, për zgjedhjet parlamentare të 25 prillit. Sipas...

BE: 70% e qytetarëve të vaksinuar me së paku një dozë

Presidentja e Komisionit Evropian, Ursula von der Leyen, tha se 70 për qind e qytetarëve të rritur të BE-së kanë marrë së paku një...

Emri/ Kush është personi i dyshuar për trafik droge, që i shpëtoi policisë

Zbardhet emri i personit i cili arriti që t'i shpëtonte operacionit të policisë ditën e sotme, në zonën e ''Varrit të Bamit'' në kryeqytet,...

Koronavirusi/ Brataj: Delta ka edhe 3 variante të tjera

Kreu i Urgjencës Kombëtare, Skënder Brataj deklaroi se varianti indian i koronavirusit, Delta pritet që të mbizotërojë të gjithë botën, dhe se ky mutacion,...