Sot Policia e Shteëtit publikoi një video ku shikohet përplasja mes efektivëve të policisë së Gramshit dhe kreut të PD-së në Gramsh, Elmas Haruni.
Në pamjet e videos që publikoi policia shihet irritimi i Elmas Harunit dhe fjalët banale që ai përdor. Këtë video e morën të gjitha mediat dhe gjatë ditës së sotme është transmetuar nga të gjithë madje duke u shpërndarë edhe në rrjetet sociale.
Por ka dhe një tjetër video që policia nuk e publikoi. Pamjet e reja tregojnë mos profesionalizëm nga ana e efektivëve të policisë. Gjithashtu në disa raste policët shihen qartë duke provokuar dy personat që ndodhen në makinë. Video e dytë sqaron shumë gjera të cilat deri tani në media nuk janë transmetuar
Me siguri që çështja do të shkojë në gjykatë sepse në video nuk ka vetëm një palë fajtore.
Kreut të PD-së në Gramsh, Elmas Haruni me fjalorin ka ofenduar policinë e shtetit dhe me shumë mundësi shpallet fajtor për këtë. Por edhe policia duke mos qenë aspak profesionale, duke ushtruar dhunë ndaj qytetarëve dhe madje duke provokuar nuk ka se si të shpëtojë pa u ndëshkuar nga gjykata.
