Në Kinë është shënuar viktima e dytë nga virusi misterioz që është përhapur kohët e fundit. Madje, shkencëtarët besojnë se numri i personave të infektuar nga ky virus i ri është shumë më i madh sesa shifrat e paraqitura nga autoritetet
Në laborator janë konfirmuar 45 raste të infektimit, por ekspertët britanikë besojnë se tashmë rreth 1700 persona janë të infektuar. Rasti i parë me këtë virus u paraqit në dhjetor në qytetin Wuhan.
“Jam më i brengosur sesa kam qenë para një jave”, tha shkencëtari Neil Ferguson.
Ndërkohë, ekziston rreziku i përhapjes së tij nëpërmjet udhëtarëve nëpër avionë. Për këtë arsye, autoritetet në Singapor dhe Hong Kong janë duke i kontrolluar udhëtarët që vijnë nga ky qytet. Masat të ngjashme janë paralajmëruar edhe Shtetet e Bashkuara.
Sidoqoftë, zyrtarët kinezë kanë thënë se nuk ka pasur raste kur virusi është përhapur nga një person te tjetri. Sipas tyre, ky virus ka kaluar nga kafshët e infektuara te njerëzit në një treg në Wuhan.
Deri tani, i vetmi informacion që shkencëtarët kanë arritur të zbulojnë është që ky virus bën pjesë në grupin e të ashtuquajturve koronaviruseve. Ky virus shkakton pneumoni te pacientët, shkruan “BBC”.
Denonco ne TT