Ish-ministri i Drejtësisë, Ylli Manjani, në reagimin e radhës hedh akuza të forta ku shprehet se kryeministri Rama po e përdor ambasadoren e SHBA-së, Yuri Kim, si ministre të propagandës.
Reagimi i tij pason pas aludimeve se pas çdo vendimi në vendin tonë qëndron SHBA-ja. Lidhur me këtë propagandë, Manjani flet me një gjuhë të shpenguar, duke ua bërë të qartë popullit se vendimarrja jonë nuk lidhet aq ngushtësisht me SHBA-në.
Ai madje tallet, duke sqaruar se Amerika nuk ka kohë të merret me Berishën, Bashën, korrupsionin e SPAK-un. Manjani thotë më tej me ironi se SHBA-ja nuk ka pjesë të agjendës së saj fuqitë tregtare, energjitike e bërthamore të botës, por po merret me klasën tonë politike.
Statusi
Sinqerisht bravo i qoftë Ed Ramës që i ka mbushur mendjen këtij mileti se Ai është i dërguari i Amerikës këtu.
Ka futur trutë e gomarit tek shumë prej nesh dhe, me këto tru mendohet se Amerika zyrtare ka lënë çdo punë dhe po merret me Saliun e PD; Bashën, korrupsionin dhe SPAKUn!
Amerika, sipas trurit të gomarit, nuk po merret më aq shumë me fuqitë tregëtare, energjitike e bërthamore të botës, por po merreshka me pordhët tona këtu.
S’ke ç’ti thuash tjetër, përveç se BRAVO!
Përderisa ka arritur ta përdorë si ministre të propagandës ambasadoren e SHBA, vërtetë BRAVO!
